Qətər investisiyası hesabına Qazaxıstanda 9 investisiya layihəsi həyata keçirilir.

Newscenter.az "Sputnik Qazaxıstan"a istinadən bildirir ki, onların arasında üç qaz emalı zavodu, “Beyneu-Bozoy-Şımkent” qaz kəmərinin ikinci xətti, “Ks-14” yeni kompressor stansiyası və “Ks-14-Kostanai” qaz kəməri var. Bundan başqa Qızılorda vilayətində kombinə edilmiş dövrə zavodu və İrtis çayı üzərində su elektrik stansiyası da həyata keçiriləcək investisiya layihələri sırasındadır.

Qeyd edək ki, Qazaxıstan parlamenti Qazaxıstan və Qətər hökumətləri arasında prioritet sahələr üzrə layihələrin inkişafı üçün uzunmüddətli strateji tərəfdaşlığın yaradılması haqqında 2024-cü il martın 20-də Dohada bağlanmış sazişi ratifikasiya edib.
Sazişin ratifikasiyası ölkələr arasında ticari-iqtisadi əməkdaşlığı gücləndirməyə, dövlət iqtisadiyyatının əsas sahələrinə yeni kapital cəlb etməyə imkan verir.

Sənədin əsas məqsədi telekommunikasiya, maliyyə, enerji, neft-kimya və digər sahələrdə birgə layihələrin həyata keçirilməsidir. Bu, əlavə investisiyaların cəlb edilməsinə, infrastrukturun təkmilləşdirilməsinə, müasir texnologiyaların tətbiqinə və iş yerlərinin açılmasına imkan verəcək.

Natiq Orucov