Türkiyə-Azərbaycan-Gürcüstan müdafiə nazirlərinin üçtərəfli görüşündən dərhal sonra Türkiyənin milli müdafiə naziri Yaşar Gülər Qazaxıstana səfər edib.

Newscenter.az Türkiyənin Milli Müdafiə Nazirliyinə istinadən bildirir ki, Yaşar Gülər Qazaxıstan tərəfinin dəvəti ilə bu ölkəyə rəsmi səfərə gedib.

Nazir Gülər səfər çərçivəsində Astanada bir sıra görüşlər keçirəcək, qazaxıstanlı həmkarı general Ruslan Jaksilikovla görüşəcək.

Görüşlərdə Ankara ilə Astana arasında hərbi əməkdaşlığın gələcək perspektivləri müzakirə ediləcək.

Anar Əliyev