Qazaxıstanda dollara olan tələbat artıb.

Newscenter.az "Sputnik Qazaxıstan"a istinadən bildirir ki, bunu Milli Bankın rəhbəri Timur Süleymenov deyib. O bildirib ki, bu səbəbdən Qazaxıstanda dolların məzənnəsi artıb.

"Oktyabrın əvvəlindən dolların indeksinin 6 əsas valyutaya nisbətdə 2,1% möhkəmləndiyini görürük. Dollar öz-özünə möhkəmlənib. Hətta Rusiya rublu qarşısında 4% möhkəmlənib. Beləliklə, dolların qlobal güclənməsi bizim daxili məzənnəmizə təsir edir”, - deyə Süleymanov bildirib.

Qeyd edək ki. oktyabrın 10-da Qazaxıstanda dolların məzənnəsi 500 təngəyə yaxınlaşıb. Astanada valyutadəyişmə məntəqələrində alış məzənnəsi 492 tenge, satış məzənnəsi isə 497 tenge olub. Oktyabrın 11-də səhər saatlarında isə məzənnə 498-495 təngə təşkil edib.

Mehman Mehdiyev