Con Hopkins Universitetinin tədqiqatçıları bir neçə dəqiqə ərzində infarkt diaqnozunu qoya bilən sürətli və dəqiq qan testi hazırlayıblar.

Newscenter.az xarici KİV-ə istinadən bildirir ki, bu yenilikçi test təcili müalicəni sürətləndirməklə insanların həyatını xilas etmək potensialına malikdir.

Con Hopkins Universitetinin tədqiqatçısı Peng Zheng bu vəziyyəti belə izah edir:

“İnfarktlara tez diaqnoz qoymaq həyati əhəmiyyət kəsb etsə də, klinik mühitdən kənarda erkən diaqnoz qoymaq çox çətin və hətta qeyri-mümkün ola bilər. Təqdim etdiyimiz yeni texnologiya bir insanın infarkt keçirib-ötürmədiyini tez və dəqiq müəyyən etməyə imkan verir”.

Qeyd edək ki, təkcə ABŞ-da hər il 800 mindən çox insan infarkt keçirir.

Mehman Mehdiyev