Avropada qaz sobaları hər il 40 min insanı öldürür.

Newscenter.az TASS-a istinadən bildirir ki, bu rəqəm avtomobil qəzaları nəticəsində ölənlərin sayından iki dəfə çoxdur.

Sobalar buraxdıqları zəhərli qazlarla ürək və ağciyər xəstəliklərinə səbəb olsa da, mütəxəssislər bu problemin ciddiliyinin yetərincə başa düşülmədiyini düşünürlər.

Böyük Britaniya və Avropa Birliyində aparılan araşdırmalara görə, qaz sobalarından atılan azot dioksid kimi zəhərli qazlar insanın iki il ömrünü alır, ürək və ağciyər xəstəliklərinə səbəb olur.

Azot dioksidin təsirini araşdıran elm adamları, Avropa İttifaqında 36 min 31, İngiltərədə isə 3 min 928 vaxtından əvvəl ölümün birbaşa qaz sobası istifadəsi ilə əlaqəli olduğunu ifadə ediblər.

Anar Əliyev