İspaniyada tufan və daşqın olub: 4 nəfər itkin düşüb
İspaniyanın cənub və şərqini vuran tufan və sel nəticəsində 4 nəfər həlak olub, çoxlu sayda avtomobili sel suları aparıb, bəzi binaların damları uçub.
İspaniyanın cənub və şərqinə təsir edən əlverişsiz hava şəraiti tufan və daşqınlara səbəb olaraq bölgədəki həyata mənfi təsir edib. Fırtına səbəbiylə bir çox yol nəqliyyata bağlansa da, qatar səfərləri də ləğv edilib.

İtkin düşənlər Leturda axtarılır
Bildirilib ki, ölkənin şərqindəki Albasete şəhərinin Letur qəsəbəsində çoxlu sayda insanı sel suları aparıb. Letur Bələdiyyə Başçısı Sergio Marin Sanchez verdiyi açıqlamada axtarış-xilasetmə qruplarının itkin düşən "üç və ya dörd nəfəri" axtardığını bildirib. "Bəzi insanlar avtomobildə, bəziləri evdə idi" dedi Marin Sanchez.

Valensiyada axtarış işləri davam edir
Valensiyanın şərqindəki L'Alcudia qəsəbəsində polis, sel suları tərəfindən götürülərək itən şəxsin axtarışlarının davam etdiyini bildirib. Valensiyada qeydə alınan görüntülərdə bir adamın sel sularında sürükləndiyi anlar ictimaiyyətlə paylaşılıb.

Yüksək sürətli qatar relsdən çıxıb
Əndəlus bölgəsində leysan yağışlar nəticəsində 276 sərnişini daşıyan sürət qatarı relsdən çıxıb. Qəzada can itkisi və yaralanan olmasa da, axtarış-xilasetmə qrupları seldə qalan sərnişinləri helikopterlərin köməyi ilə təxliyə edib.

İspaniyanın hakimiyyət orqanları bölgədə əlverişsiz hava şəraitinin davam edəcəyi gözlənildiyi üçün vətəndaşları diqqətli olmağa çağırıb.