Türkiyədə kino tamaşaçılarının sayı 24 milyon 121 min nəfərə çatıb.

Newscenter.az Türkiyə Statistika Təşkilatına istinadən bildirir ki, bunun da 14 milyon 394 mini yerli film izləyicisidir.

Mlumata görə, bu ilin 9 ayında 133-ü yerli olmaqla 303 film nümayiş etdirilib. Sentyabr ayının sonu etibarilə yerli film tamaşaçılarının sayı 14 milyon 394 min, ümumi izləyici sayı isə 24 milyon 121 min olaraq qeyd edilib.

Yerli filmlər bu ilin 9 ayında 1 milyard 784 milyon 960 min lirə, ümumilikdə isə 3 milyard 393 milyon 264 min lirə gəlir əldə edib.

Keçən il kinoteatrlarda 31 milyon 5 min 844 tamaşaçı film izləyib. Həmin dövrdə yerli film tamaşaçılarının sayı 13 milyon 716 min 5 nəfər təşkil edib.

Bu ilin eyni dövründə kino sənayesinə 235 milyon 316 min lirə dəstək verilib.

Mehman Mehdiyev