Dünya bazarlarında südün qiymətində artım qeydə alınmaqdadır.

Newscenter.az Aqrar Tədqiqatlar Mərkəzinin Kənd Təsərrüfatı və Ərzaq Məhsulları üzrə Dünya Bazar Konyukturasına dair icmalına istinadən bildirir ki, 2024-cü ilin sentyabr ayında ABŞ bazarında süd xammalının 1 tonunun fermadan satış qiyməti 8.1% artaraq 562 ABŞ dolları olub.

Yeni Zelandiya bazarında isə 2.3% artaraq 425 ABŞ dollar təşkil edib.

Oktyabr ayında süd xammalının 1 tonunun fermadan satış qiyməti əvvəlki ay ilə müqayisədə Avropa İttifaqında 0.4% azalaraq 548 ABŞ dolları səviyyəsində qərarlaşıb.

Quru südün 1 tonunun qiyməti 2024-cü ilin oktyabr ayında əvvəlki ayla müqayisədə ABŞ-da 2.5%, Avropa İttifaqında isə 1.7% azalaraq müvafiq olaraq 5159 və 4766 ABŞ dolları olub.

Mehman Mehdiyev