Çərşənbə, 1 dekabr 2021, 23:17:05  
Sizin Reklam Burada.

Rusiyaya ediləcək zərbələr əslində Trampın əlini gücləndirəcək

Rusiyaya ediləcək zərbələr əslində Trampın əlini gücləndirəcək


"Trampın gəlişi ilə Ukraynayla müharibədən qələbə ilə çıxacağı gözləntisi ilə ABŞ prezidenti Baydenin Rusiyanın ərazisini vurmaq üçün verdiyi razılıqdan sonra Ukrayna tərəfindən ediləcək raket və dron zərbələrinə Moskva ciddi reaksiya göstərməyəcək. Deyildiyi kimi Kreml bu zərbələrə NATO-nun müdaxiləsi kimi hələlik baxmayacaq. Məntiqlə iki aydan sonra Rusiyanın qələbəsi kəsinləşəcəksə, niyə də vəziyyəti dünya müharibəsi həddinə gətirsin?".

Newscenter.az xəbər verir ki, bunu siyasi şərhçi Azər Qasımov deyib. O bildirib ki, amma bu iki ay ərzində Rusiyaya ediləcək zərbələr əslində Trampın əlini gücləndirəcək:

"O, Rusiyanı həm asan, həm də Ukrayna üçün nisbətən məqbul şərtlərlə razı edə biləcək.

Əsas məsələ Ukraynanın, dolayısı ilə NATO-nun Rusiyaya endirəcəyi zərbələrin xarakteri böyük rol oynayacaq".

Azər Qasımov deyib ki, NATO bu müharibənin 1000-ci simvolik günündən sonrakı iki ay müddətində Rusiyaya bu günə kimi vurduğu zərərdən çox zərbə vura bilər:

"Bu da Rusiya ordusunun tamamilə iflic və çarəsiz duruma düşməsini təmin edə bilər. Bundan sonra rahatlıqla sülh bağlamaq olar, çünki Rusiya artıq heç kimə hücum edə biləcək halda olmayacaq. Avropa da rahat nəfəs ala bilər ki sülhü qəbul etsin".

Süleyman
Xəbəri paylaş