Rusiyanın “Rosatom” Korporasiyası Qazaxıstanın nüvə enerjisi sənayesinin inkişafına töhfə verməyə hazırdır.

Newscenter.az "Sputnik Qazaxıstan"a istinadən bildirir ki, bunu Rusiya Federasiyasının Prezidenti Vladimir Putin Astana səfərindən əvvəl “Kazakhstanskaya Pravda” qəzetində dərc olunmuş məqaləsində deyib.

“Rosatom” Qazaxıstanda nüvə yanacağı zənciri layihələrini həyata keçirib və uran sənayesinin inkişafına əməli yardım göstərib. İxtisaslı mütəxəssisə və misilsiz texniki imkanlara malik dövlət korporasiyası Qazaxıstanla irimiqyaslı layihələr həyata keçirməyə hazırdır”, - deyə Putin bildirib.

Onun sözlərinə görə, iki ölkə arasında neft-qaz sahəsində də əməkdaşlıq inkişaf edir.

Mehman Mehdiyev