Milli Məclisin deputatı Samir Vəliyev növbəti dəfə vətəndaş qəbulu keçirib.

Newscenter.az-a daxil olan xəbərə görə, dekabrın 5-də seçicilərini fərdi qaydada qəbul edən deputat onların səsləndirdiyi müraciətləri dinləyib, vətəndaşları narahat edən problem və məsələlərlə tanış olub.

Müraciətlər əsasən, məşğulluq, maddi yardım, səhiyyə, kommunal xidmətlər və s. mövzularda olub. Bir neçə məsələ yerindəcə həllini tapıb. Digər məsələlər isə həll olunması üçün qeydiyyata alınıb.

Vətəndaşları diqqətlə dinləyən millət vəkil Samir Vəliyev qəbulda dilə gətirilən məsələlərin həlli istiqamətində aidiyyatı qurumlara müraciət edəcəyini və onları narahat edən problemlərin ən qısa zamanda müsbət həll olunmasına köməklik göstərəcəyini diqqətə çatdırıb.

Süleyman İsmayılbəyli