Qazaxıstan Birləşmiş Ərəb Əmirliklərinə ekoloji təmiz kənd təsərrüfatı məhsulları, o cümlədən dondurulmuş quzu əti tədarük etməyə hazırdır.

Newscenter.az "Sputnik Qazaxıstan"a istinadən bildirir ki, bu barədə Qazaxıstanın ticarət və inteqrasiya naziri Arman Şakkaliev bildirib.

Qeyd edək ki, nazir Dubayda BƏƏ-nin Xarici Ticarət üzrə Dövlət Naziri Tani bin Əhməd Əl Zeyoudi ilə görüşüb, ticarət, birgə layihələr və logistika mövzularını müzakirə edib.

Nazir bildirib ki ki, bundan başqa, Qazaxıstan yüksək keyfiyyətli un, günəbaxan yağı, qənnadı məmulatları və süd məhsulları ixrac etməyə hazırdır.

Qeyd edək ki, 2024-cü ilin 10 ayında Qazaxıstandan BƏƏ-yə quzu əti ixracı 13,3 min ton, ümumi dəyəri isə 45,3 milyon dollar olub. Ötən ilin müvafiq dövrü ilə müqayisədə həcm iki dəfə, ixrac gəlirləri 64 faiz artıb.

Mehman Mehdiyev