Kürdəmir “ASAN Həyat” kompleksinin açılışı Azərbaycan Respublikasının Prezidenti İlham Əliyevin iştirakı ilə 12 fevral 2020-ci il tarixində baş tutub.
Newscenter.az xəbər verir ki, kompleksin ərazisində “ASAN xidmət” mərkəzi, uşaq meydançası, fəvvarə və oturacaqlar, istirahət meydançası, avtodayanacaq, çay evi və kafelər, restoran və “ABAD Food Hall” yaradılıb.
Kürdəmir regional “ASAN xidmət” mərkəzi Kürdəmir, Hacıqabul, Ağsu, Göyçay, Ucar və Zərdab rayonlarında qeydiyyatda olan 540 000 çox vətəndaşla yanaşı ölkə üzrə ərazi məhdudiyyəti olmadan bütün vətəndaşlara xidmət göstərir.
Mərkəzin fəaliyyəti operativlik, şəffaflıq, nəzakətlilik, məsuliyyət prinsiplərinə və vətəndaş rahatlığına hesablanıb. Mərkəzdə müxtəlif dövlət orqanları, həmçinin özəl şirkət və müəssisələr tərəfindən 400-ə yaxın xidmət həyata keçirilir.
Fəaliyyət göstərdiyi müddət ərzində mərkəzə 608 minə yaxın vətəndaş müraciəti qeydə alınıb. Gündəlik orta müraciət sayı 600-ə yaxındır.
Mərkəzin fəaliyyət göstərdiyi müddət ərzində 300 nəfər könüllü məzun adını qazanıb.
