Qazaxıstanda Özbəkistan, Qazaxıstan və Tacikistan dəmir yolu administrasiyaları nümayəndələrinin üçtərəfli işçi görüşü keçirilib.

Newscenter.az bildirir ki, bu barədə Qazaxıstan Dəmir Yolları məlumat yayıb.

Tədbirdə “QTJ – Cargo Transportation” MMC, “Özbəkistan Dəmir Yolları” SC, “Rohi Ahani Tacikistan” Dövlət Müəssisəsinin nümayəndə heyətləri iştirak ediblər.

Tərəflər Tacikistanın “Oazis” və Özbəkistanın “Sarıoqaş” dövlətlərarası qovşaqlarında yükdaşıma həcmlərinin artırılması və proseslərin optimallaşdırılması məsələlərini müzakirə ediblər.

İclasda yüklərin vaxtında qəbulu və ixracının təmin edilməsinə və konteyner daşımalarının payının artırılmasına xüsusi diqqət yetirilib. Görüşün yekunlarına dair protokol imzalanıb.


Qeyd edək ki, 2024-cü ildə Qazaxıstan və Özbəkistan arasında yükdaşımaların həcmi 11,5 milyon ton təşkil edib.

Cavid İmaməliyev