"İşğaldan azad edilmiş ərazilərdə hər bir sahə kimi təhsil sahəsinin də inkişaf etdirilməsi dövlətin, dövlət başçısının əsas prioritetdir. Qarabağ və Şərqi Zəngəzuru əhatə edən ayrı-ayrı şəhər və rayonlarımızda işğaldan azad ediləndən sonra yeni-yeni təhsil müəssisələrinin əsasının qoyulması, bir çoxunun artıq istifadəyə verilməsi deyilənlərin sübutudur. Bu günlərdə Azərbaycan Respublikasının Prezidenti İlham Əliyev və Birinci Vitse-prezident Mehriban xanım Əliyevanın azad edilmiş ərazilərə səfəri zamanı daha bir neçə təhsil müəssisəsinin açılışı da bunu bir daha təsdiq etdi".

Newscenter.az xəbər verir ki, bu fikirləri "Təhsilə Dəstək və Maarifləndirmə" İəictimai birliyinin sədr müavini Ruhiyyə Mehdiyeva səsləndirib. İctimai birliyinin təmsilçisi qeyd edib ki, bütün bunlar Qarabağda, Şərqi Zəngəzurda təhsilin inkişaf etdirilməsi, bilikli və bacarıqlı kadrların yetişdirilməsi baxımından əhəmiyyətlidir:

"Artıq dövlətimiz üçün belə kadrların yetişdirilməsinə başlanılıb. 2023-cü ildə Azərbaycan Respublikasının Prezidenti Cənab İlham Əliyevin sərəncamı ilə Qarabağ Universitetinin yaradılması da məhz bu gözəl diyarımızda təhsilin inkişaf etdirilməsi, bilikli və bacarıqlı kadrların yetişdirilməsinə hesablanmış addım idi".

Anar Əliyev