Qazaxıstan və Tatarıstan arasında ticarət dövriyyəsi 500 milyon dolları keçir.

Newscenter.az "Sputnik Qazaxıstan"a istinadən bildirir ki, bunu Kazanda keçirilən "Rusiya - İslam dünyası: KazanForum" iqtisadi forumunda Qazaxıstanın ticarət və inteqrasiya nazirinin müavini Asset Nussipov deyib.

"Ötən il Qazaxıstanla Tatarıstan arasında ticarət dövriyyəsi 579,9 milyon dollar təşkil edib. O cümlədən, ixrac 95,8 milyon dollar, idxal 484 milyon dollar olub. Qazaxıstan Tatarıstana əsasən ferroərintilər, təkərlər, traktorlar kimi mallar ixrac edir",-deyə Nussipov vurğulayıb.

Bildirilib ki, idxal edilən mallar arasında əsasən neft məhsulları, qara metal borular, şinlər və gübrələr, o cümlədən 23 milyon dollarlıq avtomobillər və 20 milyon dollarlıq ədviyyatlar olub.

Anar Əliyev