"PKK terror təşkilatının tərksilah prosesi Türkiyə Milli İstihbarat Təşkilatı tərəfindən 24 saat izləniləcək. Bu barədə təhlükəsizlik mənbələrinə istinadla “Türkiyə” qəzeti məlumat yayıb. Mənbələrə görə, proses 4 ay ərzində yekunlaşa bilər. Nəşr yazır ki, Türkiyə prosesi əngəlləyə biləcək amilləri də diqqətdə saxlayır: “Mənbələr İsrail və İranın yanaşmalarının “Terrorsuz Türkiyə” prosesinə zərər verəcək səviyyəyə çatmaması üçün xəbərdarlıq edildiyini də bildirirlər. İran və İsrailin kürdləri bölgədə proksi qüvvəyə çevirməyə çalışdığı, amma Türkiyənin bu məsələdə qətiyyətli olduğu vurğulanı". PKK ilə bağlı Türkiyənin başlatdığı prossesin bir qolu da İraq və Suriyada bu terror təşkilatına bağlı qrupların məhv edilməsi ilə bağlıdır".
Newscenter.az xəbər verir ki, bu fikirləri politoloq Zeynal Əmrəliyev səsləndirib. O deyib ki, bu qrupların uzun müddətdir, həm İran, həm də İsraillə geniş əlaqəsi var:
"Xüsusilə hər iki dövlət məhz Türkiyənin bölgədə güclənməsinin qarşısını almaq üçün PKK - ya bağlı qruplardan istifadə edir. Suriyada hələ Bəşər Əsəd devrilməmiş İran onunla ittifaq bağlayan YPG / PYD qruplaşmalarına ciddi şəkildə dəstək verirdi. Suriyada Əsəd - Hizbullah - PKK qolu İranın da dəstəyi ilə Türkiyə dəstəkli müxalifətə qarşı ciddi mübarizə aparırdı. Əsəd rejimi hakimiyyətdən devrildikdən sonra kürd qrupları yenidən İranın maraq dairəsinə düşüb. Rəsmi Tehran bu qrupları dəstəkləsə də bir tərəfdən də onlarla məsafəli davranır. Buna səbəb həm onların ABŞ ilə olan iş birliyi, həm də PKK - nın bir qolu olan PJAK - ın İrana qarşı olan fəaliyyətidir".
Zeynal Əmrəliyev qeyd edib ki, İranla bərabər İsrail də bu qruplara ciddi dəstək verir:
"Belə ki, bu ölkənin rəhbərliyi Türkiyənin PKK - nın qolu hesab etdiyi YPG - ni İslam radikalizminə dayanan sekulyar güc kimi qələbə verərək onunla sıx əməkdaşlıq edir. Rəsmi təsdiq olunmasa da, bu müddət ərzində İsrail YPG - yə kəşfiyyat məlumatları, texnoloji avadanlıqlar və izləmə cihazları ötür. Bu barədə dəfələrlə müxtəlif hesablarda da qeyd edilib. Eyni zamanda İsrail Türkiyənin Suriya siyasətini sərt tənqid edərək "kürd muxtariyyəti" ideyasını dəstəkləyir. Türkiyə hökuməti hazırda başlatdığı prossesə kiminsə mane olmasını qəbul etmir və buna görə də İranla İsrailə öz xəbərdarlığını edir. Bu açıqlama məsələnin Türkiyə üçün necə böyük əhəmiyyət daşıdığını bir daha sübut edir".
Anar Əliyev
