Özbəkistan nüfuzlu beynəlxalq və regional strukturlarda, o cümlədən BMT-də mühüm təşəbbüslərlə fəal iştirak edir.
Özbəkistan Respublikası Prezidentinin BMT Baş Assambleyasının 72-ci sessiyasındakı tarixi nitqi məzmununa və beynəlxalq ictimaiyyət üçün əhəmiyyətinə görə əksər ölkələrin diqqətini cəlb etmişdir.
Dövlətimizin başçısı orada tolerantlığın və həmrəyliyin gücləndirilməsi məsələlərinə də toxundu və bununla bağlı BMT Baş Assambleyasının “Maarifçilik və dini tolerantlıq” adlı xüsusi qətnaməsinin qəbul edilməsi təşəbbüsü ilə çıxış edib.
Nəticədə 2018-ci il dekabrın 12-də BMT Baş Assambleyası “Maarifçilik və dini tolerantlıq haqqında” xüsusi qətnamə qəbul edib. Qətnaməni BMT-yə üzv olan 100-dən çox ölkə dəstəkləyib.
Belə təşəbbüslərin məntiqi davamı Özbəkistan Respublikasının Prezidenti Ş. Mirziyoyev 2025-ci il sentyabrın 23-də BMT Baş Assambleyasının 80-ci sessiyasında ölkəmizin beynəlxalq aləmdə öz sözünün və yerinin olduğunu bir daha nümayiş etdirdi.
O, beynəlxalq və regional əhəmiyyətli aktual problemlərə dair fikirlərini bildirib, onların həlli ilə bağlı qlobal təklif və təşəbbüslər irəli sürüb.
Həqiqətən də, hazırda radikalizm, ekstremizm və terrorizm təhlükələri təkcə konkret dövlətin və ya regionun deyil, bütün dünyanın üzləşdiyi aktual problemlərdən biridir.
Eyni zamanda, din pərdəsi altında ekstremist və terror təşkilatları tərəfindən qeyri-sabitlik yaratmaqla gəncləri zorakılığa sövq etmək, cəmiyyətdə radikal fikirlər yaymaq cəhdlərinin sayı xeyli artır.
Yeni Özbəkistanda “Cahilliyə qarşı maarifçilik” nəcib ideyasına əsaslanan radikalizm və ekstremizmin cəmiyyətdə yayılmasının qarşısının alınması, gənclərin müxtəlif cərəyanların təsirindən qorunması dövlət siyasətinin prioritet istiqamətlərindəndir.
Odur ki, Özbəkistan Respublikasının Prezidenti Şavkat Mirziyoyev nüfuzlu bir qurumun kürsüsündən çıxışında islam maarifçiliyi ideyalarının dərindən öyrənilməsi və dünyaya tanıdılması istiqamətində aparılan işlərə xüsusi diqqət yetirmişdir.
Dövlətimizin başçısının “Biz böyük əcdadlarımızın - mütəfəkkir İmam Buxarinin, İmam Termizinin, İmam Maturidinin zəngin mənəvi və elmi irsinin Birləşmiş Millətlər Təşkilatında xüsusi təqdimat mərasimi keçirmək niyyətindəyik” deməsi hamımızı qürurlandırdı.
Qeyd edək ki, İslam aləmində məşhur olan iki hədis alimimiz - İmam Buxari, İmam Termizi və imanın saflığının təmin olunmasında xidmətləri olan İmam Maturidi haqqında BMT tribunasından danışmaq böyük cəsarət və iradədir.
Özbəkistan Respublikası Prezidentinin bu təklifləri ölkəmizdə fəaliyyət göstərən İmam Buxari, İmam Termizi, İmam Maturidi beynəlxalq elmi-tədqiqat mərkəzləri üçün böyük şərəf olmaqla yanaşı, həm də bu alimlərin təqdimatlarının lazımi səviyyədə hazırlanması və yüksək səviyyədə keçirilməsi baxımından böyük məsuliyyət qoyur.
