Fələstinin HƏMAS hərəkatı ilə İsrail arasında danışıqlarda vasitəçilər Qəzza zolağında münaqişənin həlli üzrə məsləhətləşmələrin oktyabrın 10-dan gec olmayaraq başa çatdırılmasını tələb ediblər.

Newscenter.az TASS-a istinadən bildirir ki, bu barədə Qətərin “Əl-Cəzirə” telekanalı Həmasdakı yüksək rütbəli mənbəyə istinadən məlumat yayıb.

"Vasitəçilər Fələstin və İsrail nümayəndə heyətlərindən danışıqların tamamlanması üçün son tarix kimi cümə gününü təyin etməyi tələb etdilər", - deyə kanalın adının açıqlanmasını istəməyən mənbə iddia edir.

Qeyd edək ki, İsrailin Qəzzaya qarşı əməliyyatları 2023-cü ilin oktyabrından başlayıb.

Mehman Mehdiyev