Türkiyədə sərnişin avtobusunun iştirakı ilə yol nəqliyyat hadisəsi baş verib.

Newscenter.az trthaber-ə istinadən bildirir ki, hadisə Şirnak vilayətində qeydə alınıb.

Belə ki, Şırnakın Uludere rayonunda mikroavtobus və yüngül ticari avtomobil toqquşub. Qəza nəticəsində ikisi ağır olmaqla 11 nəfər xəsarət alıb. Avtomobillər rayonun Ortabağ və Ortasu kəndləri arasında toqquşub.

Dərhal hadisə yerinə 112 Təcili Tibbi Yardım, jandarma, xilasetmə və AFAD qrupları sövq edilib.

Qəzada yaralananlardan bəziləri təcili tibbi yardım briqadalarının köməyi ilə sıxışmış avtomobillərindən çıxarılıb. Yaralılar təcili yardımla Uludere Dövlət Xəstəxanasına aparılıb.

Mehman Mehdiyev