Rusiya Federal Təhlükəsizlik Xidməti (FTX) Moskvada Müdafiə Nazirliyinin yüksək rütbəli zabitinə qarşı törədilən terror aktının qarşısını alıb.

Newscenter.az xəbər verir ki, bu barədə Rusiya FSB-nin mətbuat xidməti məlumat yayıb.

Bildirilir ki, terror aktını “İslam Dövləti” terror qruplaşması ilə birlikdə Ukrayna xüsusi təyinatlıları hazırlayıb.

Dörd nəfər həbs edilib. Onların arasında planlaşdırılan cinayətin izini ört-basdır etməkdə iştirak edən 3 rusiyalı və terror aktının icraçısı olması ehtimal edilən orta asiyalı da var.
Rusiya FSB-nin məlumatına görə, terror aktını törədən şəxsi Rusiya və Özbəkistan tərəfindən axtarışda olan “İslam Dövləti”nin üzvü Səidəkbər Qulyamov himayə edib.

Anar Əliyev