Vyanada Rusiya, Çin və İranın beynəlxalq təşkilatlar yanında daimi nümayəndələri Atom Enerjisi üzrə Beynəlxalq Agentliyin (MAQATE) rəhbəri Rafael Qrossi ilə görüşüb.

Newscenter.az TASS-a istinadən bildirir ki, bu barədə Rusiyanın Vyanadakı daimi nümayəndəsi Mixail Ulyanov məlumat verib.

"Çin, İran və Rusiyanın Daimi Nümayəndələri bu gün MAQATE-nin Baş direktoru Rafael Qrossi və onun komandası ilə MAQATE-nin Rəhbərlər Şurasının qarşıdan gələn sessiyası ilə bağlı fikir mübadiləsi aparmaq üçün görüşüblər", - deyə o, Telegram kanalında yazıb .

Qeyd edək ki, MAQATE-nin Rəhbərlər Şurasının növbəti sessiyası noyabrın 17-dən 21-dək Vyana Beynəlxalq Mərkəzində keçiriləcək. İclasın gündəliyi və mövzusu isə hələ açıqlanmayıb.

Mehman Mehdiyev