Özbəkistan-Azərbaycan tərəfdaşlığı növbəti mərhələdə üç sahədə həlledici əhəmiyyət kəsb edəcək.

Newscenter.az Özbəkistanın Milli Xəbər Agentliyinə (uza.uz) istinadən bildirir ki, birinci yerdə nəqliyyat geosiyasəti dayanır:

"Yəni, Çindən Avropaya gedən yeni ticarət marşrutunda iki ölkənin rolunun artırılması. İkincisi, "yaşıl" enerjidir. Mərkəzi Asiyada istehsal olunan bərpa olunan enerjinin Xəzər dənizi vasitəsilə Avropa bazarına çatdırılması ideyası Daşkəndi və Bakını strateji enerji tərəfdaşlarına çevirəcək. Üçüncüsü, rəqəmsal inteqrasiyadır. Kibertəhlükəsizlik, elektron hökumət və İT infrastrukturu sahələrində əməkdaşlıq yeni texnoloji ox yarada bilər. MDB məkanındakı bir çox ittifaqlardan fərqli olaraq, Özbəkistan və Azərbaycan arasındakı münasibətlərin ideoloji əsasda deyil, praktik əsasda inkişaf etməsi diqqətəlayiqdir".

Bildirilir ki, bu prosesdə infrastruktur, investisiya, tranzit və texnologiya siyasi bəyannamələrdən daha vacibdir:

"Məhz bu aspekt iki ölkə arasında tərəfdaşlığı sabit və uzunmüddətli formata çevirir".

Süleyman