Rusiya ilə Taliban arasında hərbi əməkdaşlıq müqaviləsinin bağlanması, Kremlin Ukrayna ilə bağlı planın tərkib hissəsidir. Dövlətlər arasında hərbi əməkdaşlıq təbii proses sayılsa da, beynəlxalq təcrid şəraitində olan Taliban Əfqanıstan ilə belə bir anlaşmanın məhz indiki mərhələdə imzalanması müəyyən suallar yaradır.
Hazırda Taliban rəhbərliyi ilə məhdud sayda ölkə siyasi və iqtisadi əməkdaşlıq edir.
Rusiyanın Talibanla əməkdaşlığı ilk növbədə Moskvanın strateji maraqları ilə bağlı görünür. Bununla Kreml Əfqanıstandakı potensial insan resurslarından yararlanmağa çalışır. Bu çərçivədə Ukrayna müharibəsində iştirak üçün muzdlu əfqan döyüşçülərin, eləcə də Talibanın formalaşdırdığı silahlı strukturlarda təcrübə qazanmış şəxslərin cəlb edilməsi mümkün görünür
Digər tərəfdən, Taliban rejimi Rusiyadan genişmiqyaslı silah alışını maliyyələşdirəcək iqtisadi imkanları məhduddur. Əfqanıstanda ağır sosial-iqtisadi böhran davam edir. Buna görə də, yaxın perspektivdə Rusiyanın Əfqanıstanda hərbi baza yaratması və ya böyük hərbi infrastruktur qurması real görünmür.
Mövcud şəraitdə tərəflər arasında hərbi əməkdaşlığın əsas məqsədi daha çox Rusiyanın Ukrayna müharibəsində əlavə canlı qüvvə ehtiyacını qarşılamaq planı dayanır. Bunun müqabilində isə Moskvanın Taliban rejiminə maliyyə, ərzaq dəstəyi verməsi mümkün görünür.

Məhəmməd Əsədullazadə