Amerika tərəfi hesab edir ki, İsveçrədə ABŞ-İran danışıqlarının bütün iştirakçıları bu mərhələdəki irəliləyişdən məmnundurlar. Bu barədə X-ə Amerikanın Axios portalı və İsrail televiziyasının 12-ci kanalının müxbiri Barak Ravid Amerika diplomatik mənbəyinə istinadən məlumat verib.

"Görünür, dörd tərəfin hamısı bu gün danışıqların necə getməsindən məmnun olub. Vasitəçilər hər iki tərəfə problemlərin həllində kömək edirlər. Biz inanırıq ki, bu ilkin danışıqlar mərhələsi gələcəkdə etimadın qurulması üçün şərait yaradır", - deyə Ravid ABŞ diplomatının sözlərini sitat gətirib. Bürgenstock 21 iyunda Qətər və Pakistanın vasitəçiliyi ilə ABŞ-İran danışıqlarına ev sahibliyi edir.