Rusiya Federal Gömrük Xidməti (FTS) və Özbəkistan Gömrük Komitəsi kinologiya sahəsində təcrübə mübadiləsi və əməkdaşlığın inkişaf etdirilməsi haqqında memorandum imzalayıblar.

Newscenter.az xəbər verir ki, bu barədə "Sputnik Özbəkistan" məlumat yayıb.

Memorandum ölkələrin təlim mərkəzlərində təlimatçıların hazırlanmasını və qaçaqmalçılığın aşkarlanması üçün nəzərdə tutulmuş xidməti itlərin təliminin yeni və innovativ metodları üzrə təcrübə mübadiləsini nəzərdə tutur.

Həmçinin, tədris ədəbiyyatı və metodoloji bələdçilərin birgə hazırlanması, xidməti kinologiya sahəsində məlumat və təcrübə mübadiləsi və qarşılıqlı məsləhətləşmələrin qurulması planlaşdırılır.

Memorandum Daşkənddə keçirilən VII Qlobal Kinologiya Forumu çərçivəsində Özbəkistan Milli Kinologiya Mərkəzinin direktoru Fərrux Kaxhorov və Rusiya Federal Gömrük Xidmətinin Kinologiya Mərkəzinin Mərkəzi Gömrük İdarəsinin rəisi Aleksey Çerkavski tərəfindən imzalanıb.

Süleyman