Qazaxıstanda fast food reklamları məhdudlaşdırıla bilər.

Newscenter.az "Sputnik Qazaxıstan"a istinadən bildirir ki, bu barədə ölkənin Səhiyyə Nazirliyi məlumat verib. Nazirliyin məlumatına görə, uşaqlara yönəlmiş fast food, şirin içkilər və şəkər, duz və doymuş yağlarla zəngin digər məhsulların reklamını məhdudlaşdırmaq üçün qanunvericilik təklifləri hazırlanıb.

Əsas məqsəd uşaqların qida seçimlərinə marketinq təsirini azaltmaq və erkən yaşdan sağlam qidalanma vərdişlərinin formalaşmasına töhfə verməkdir.

Nazirlik bildirib ki, qurum televiziya və radio kanallarında, sosial şəbəkələrdə və açıq hava reklam mediasında duz, şəkər və trans yağlarla zəngin qida məhsullarının reklamını məhdudlaşdırmaq üçün qanunvericilikdə dəyişiklik etmək üçün təkliflər hazırlayıb.

Bu təklifləri həyata keçirmək üçün bu məhdudiyyətlərin tənzimləyici təsirinin təhlili üzərində işlərə başlanılıb.

Tədqiqatlara görə, 6-9 yaşlı uşaqların 23%-i artıq çəkili, 6%-i isə piylənmədən əziyyət çəkir. Bundan əlavə, yeniyetmələrin 17,5%-i həftəlik enerji içkiləri qəbul edir.

Qanunvericiliyə dəyişikliklər üçün təkliflər beynəlxalq təcrübə və Ümumdünya Səhiyyə Təşkilatının tövsiyələri nəzərə alınmaqla hazırlanıb.

Süleyman