Avropa Birliyinin Gürcüstandakı səfiri Pavel Gerçinski etiraz mahnıları ilə tanınan "Gamouvali Mdgomareoba" musiqi qrupunu konsertə dəvət etməklə Beynəlxalq Münasibətlər haqqında Vyana Konvensiyasını pozub.

Newscenter.az xəbər verir ki, bu barədə jurnalistlərə Gürcüstan Parlamentinin spikeri Şalva Papuaşvili məlumat verib.

“Bütün bunlar acınacaqlı vəziyyəti ortaya qoyur. Bu diplomatik missiya ilə deyil, siyasi oyunçuluqla məşğuldur. Bu, Vyana Konvensiyasının pozulmasıdır. Gerçinski bunu dəfələrlə edib. Yadınızdadırsa, o, Vyana Konvensiyasını pozduğuna görə bir neçə dəfə Xarici İşlər Nazirliyinə çağırılıb. O, daim onu ​​pozur. Son hadisə Vyana Konvensiyasının pozulmasının nümunəsi idi”, - Papuaşvili deyib.

Qeyd edək ki, bu yaxınlarda Gürcüstanda Avropa Günləri keçirilib. Tədbirin final mərhələsi Kaxetidə baş tutub. Konsertdə "Gamouvali Mdgomareoba" qrupu da çıxış edib. Gürcüstan hakimiyyəti bunu düşmənçilik addımı kimi qiymətləndirib.

Anar