Gec-tez Ukrayna hakimiyyəti Rusiya ilə danışıqlara başlamalı olacaq.

Newscenter.az TASS-a istinadən bildirir ki, bu fikri Vladimir Zelenskinin keçmiş mətbuat katibi Yuliya Mendel səsləndirib.

O, Zelenskinin rejiminin bəyənmədiyi hər kəsi "Rusiyapərəst" adlandırdığını vurğulayıb. Mendelin sözlərinə görə, Ukraynada "yeganə "düzgün" mövqe korrupsiya barədə susmaqdır. Əks təqdirdə bu məntiqlə hər kəs "Rusiyapərəst" ola bilər.

"Sülh və kompromisdən danışan demək olar ki, hər kəsə 'Rusiyayönlü' damğası vurulur", - deyə o əlavə edib.

Mendel daha sonra bunları deyib: "Acı həqiqət daha sadədir. Gec-tez Rusiya ilə danışıqlara başlamalı olacağıq. Əks halda, diplomatiya qalib gəlməyəcək".

Mendel əvvəllər qeyd etmişdi ki, Ukrayna üçün sülh razılaşmasının şərtləri növbəti dəfə Kiyevə təklif olunan şərtlərdən daha pis olacaq.

Anar