Türkiyədə FETÖ terror təşkilatının üzvlərinə qarşı əməliyyat davam edir.

Newscenter.az trthaber-ə istinadən bildirir ki, bu dəfə əməliyyat İzmirdə həyata keçirilib.

Mərkəzi İzmir olan 4 vilayətdə keçirilən əməliyyatda 32 şübhəli saxlanılıb.

Sözügedən terror təşkilatının hazırkı strukturunda fəal olduğu bildirilən və təşkilatın yenidən qurulması, ona maliyyə vəsaitlərinin təmin edilməsi üçün yeni üsullar axtarışında olduqları müəyyən edilən 35 şübhəli haqqında həbs qərarı çıxarılıb.

Digər şübhəlilərin tutulması istiqamətində işlər davam etdirilir.

Mehman Mehdiyev