Çərşənbə, 1 dekabr 2021, 23:17:05  
Sizin Reklam Burada.

Məşhur Məmmədov: "Tezliklə işğal olunmuş ərazilərimiz geri alınacaq"



Newscenter.az.6.09.2020. Son günlər əli hər şeydən üzülən Nikol Paşinyan və həyat yoldaşı Anna Akopyan yenə Azərbaycan xalqını qıcıqlandırmaqla ermənilərin yanında düşmüş nüfuzlarını qaldırmağa çalışırlar. Erməni KİV-ləri izləyəndə görürük ki, Anna Akopyan və onun özü kimi işğala meyilli rəfiqələri Ermənistan ordusunun işğal etdiyi Dağlıq Qarabağ zonasında yerləşən hissələrindən birində guya "döyüş hazırlığı keçib". Halbuki, bu Akopyan aylar öncə qadınlara müraciət edərək "Qadınlar sülh uğrunda" hərəkatı yaratmaq istəyirdi.

Newscenter.az xəbər verir ki, bu fikirləri Milli Məclisin deputatı Məşhur Məmmədov səsləndirib. O, qeyd edib ki, döyüş hazırlıqları da əməlləri kimi qeyri-peşəkar, ermənisayağı alınır:

"Belə çıxır ki, onların sülh uğrunda mübarizə aparmaq anlayışı insanları öldürməyi öyrənmək bacarığıdır. Aydın məsələdir ki, bütün bu oyunbazlıq ucuz piar aksiyasıdır. Bununla da, Anna Akopyan Nikolun düşən nüfuzunu qaldırmağa çalışır. Amma çətin ki, işğalçılıq siyasəti ilə, qarşı tərəfi qıcıqlandırmaqla Akopyanda bu alınsın".

Deputat bildirib ki, tezliklə işğal olunmuş ərazilərimiz geri alınacaq:

"işğalçılığın sübutu olan şəkil və videoların sosial şəbəkələrdən silinməsi üçün əllərindən gələni əsirgəməyəcəklər. Kobud olsa da, bir məsəllə fikrimi tamamlamaq istəyirəm, özgə atına minən tez düşər".

Anar
Xəbəri paylaş