ANA SƏHİFƏ HAQQIMIZDA ƏLAQƏ
dini radikalizm və ekstremizmlə mübarizə

Tramp etiraz aksiyaları keçirməyi nəzərdə tutur

9-11-2020, 11:13



Newscenter.az.9.11.2020. ABŞ prezidenti Donald Tramp bir neçə ştatda səslərin yenidən sayılması ilə bağlı mübarizəsini davam etdirmək üçün bir neçə mitinq keçirməyi planlaşdırır.

“Report” “RİA Novosti”yə istinadən xəbər verir ki, bu barədə “Axios” portalı məlumat yayıb.

Nəşrin məlumatına görə, Trampın qərargahı Corciya, Arizona və Pensilvaniya ştatlarında yenidən sayım üçün komandalarının yaradıldığını elan etməyə hazırdır.

Qeyd olunub ki, mitinqlərdə Tramp səs verdiyi iddia edilən, amma səsvermə vaxtı artıq dünyasını dəyişmiş seçicilər ilə bağlı sübutlar təqdim etməyi planlaşdırır.

Xatırladaq ki, yerli KİV prezident seçkisində demokrat Co Baydenin qalib gəldiyini yazıb və o da artıq özünü qalib elan edib. Donald Tramp məğlubiyyətini hələ qəbul etməyib, onun vəkilləri səslərin sayılmasının dayandırılması və iddia edilən pozuntuların araşdırılması tələbləri ilə müxtəlif ştatların məhkəmələrində iddia qaldırırlar.

Oxşar xəbərlər
SON XƏBƏRLƏR