Newscenter.az.4.06.2021. YAP Səbail rayon təşkilatında Vətən Müharibəsinin qəhrəman qazisi, Azərbaycan Respublikasının “Füzulinin azad olunmasına görə” və “Xocavəndin azad olunmasına görə” medalları ilə təltif olunan Mədətov Həşim Teyyub oğlu ilə rayonun fəal gənclərinin görüşü keçirilib.

Newscenter.az xəbər verir ki, Vətən müharibəsinin qəhrəman qazisi Mədətov Həşim Teyyub oğlunun keçdiyi şərəfli döyüş yolu, ön cəbhədə göstərdiyi igidliklər haqqında gənclərə məlumat verilib.

Qazi Mədətov Həşim Teyyub oğluna Vətən qarşısındakı nümunəvi, şərəfli xidmətinə görə YAP Səbail rayon təşkilatı tərəfindən “İlin Gənci” Fəxri plaketi, hədiyyə və gül dəstəsi təqdim olunub.

Sonda YAP Səbail rayon təşkilatının ictimai-siyasi həyatında fəallıqları ilə seçilən, rayon partiya təşkilatı tərəfindən həyata keçirilən sosial-humanitar aksiyalarda yaxından iştirak edən, Vətən müharibəsi günlərində arxa cəbhədə fəal iştirak edən, cəbhə bölgəsində dəfələrlə səfərdə olan bir qrup gənc fəal rayon partiya təşkilatının Fəxri Fərmanları və Təşəkkürnamələri ilə təltif olunublar.

Mehman