Newscenter.az.16.08.2021. Rusiya Azərbaycanlıları İttifaqına ağır itki üz verib. Newscenter.az-a qurumun mətbuat xidmətindən verilən məlumata görə, İttifaqın Koordinasiya Şurasının üzvü, Voronej vilayəti üzrə rəhbəri, Voronej vilayəti müsəlmanlarının dini rəhbəri, Voronej Universitetinin professoru, tanınmış diaspora fəalı Eldar Əliisa oğlu Sadıqov koronavirus xəstəliyindən vaxtsız dünyasını dəyişib.

Eldar Sadıqov Rusiyada yaşayan Azərbaycanlıların yüksək hörmət bəslədiyi bir şəxs idi. Rusiya Azərbaycanlıları İttifaqının yaradılmasında və fəaliyyətində yaxından iştirak etmişdir. Təklif və məsləhətləri ilə İttifaq üzvlərinin hörmətini qazanmışdı. O, həmçinin Voronej Vilayətində pedaqoji fəaliyyətlə məşğul olmuş, ictimai təşkilatların fəaliyyətində yaxından iştirak edib.

Eldar Sadıqovun əziz xatirəsi onu tanıyanların qəlbində əbədi yaşayacaqdır.

Allah rəhmət eləsin.

Anar