Newscenter.az.30.08.2021. Yevlax və Xaçmaz KOB evlərinin xidmətlərindən istifadə etmək istəyən sahibkarlar mərkəzlərə gəlmədən onlayn növbə əldə etməklə, vaxta qənaət edə bilərlər. Kiçik və Orta Biznesin İnkişafı Agentliyi (KOBİA) Yevlax, Xaçmaz və ətraf regionlarda fəaliyyət göstərən sahibkarları bu məqsədlə yaradılmış “KOB növbə” tətbiqindən yararlanmağa dəvət edir.

Newscenter.az xəbər verir ki, sahibkarlar “KOB növbə” tətbiqini “Android” (“GooglePlay”) əməliyyat sistemləri ilə çalışan mobil qurğular üzərindən yükləyə bilərlər. (https://play.google.com/store/apps/details?id=aze.asanx.kob_queue).

“KOB növbə” tətbiqi sahibkarlara KOB evlərində olan növbə sayı və növbənin bitmə vaxtını izləməyə imkan verir ki, bu da sahibkarların vaxt itkisinin qarşısını alır.

Qeyd edək ki, 2021-ci ilin I yarısında Xaçmaz və Yevlax KOB evlərində sahibkarlara 15276 dövlət-biznes (“G2B”) və 1004 biznes-biznes (“B2B”) olmaqla, ümumilikdə 16280 xidmət göstərilib. Hazırda KOB evlərinin hər birində sahibkarlara 20-yə yaxın dövlət və özəl qurumlar tərəfindən 200-dən çox “G2B” və “B2B” xidmətlər göstərilir. Ətraflı məlumat üçün: https://bit.ly/3xhY4rs

Sevinc