Çərşənbə, 1 dekabr 2021, 23:17:05  
Sizin Reklam Burada.

Şər dövlətin anti-Azərbaycan planları həyata keçməyəcək

Şər dövlətin anti-Azərbaycan planları həyata keçməyəcək


Fars-molla rejiminin Azərbaycandakı əsas təbliğat mərkəzləri sırasında yer alan "Salam News" İnformasiya Agentliyinin və “İnterAz” televiziyasının rəhbəri, dindarlar arasında “Hacı Mətləb” kimi tanınan Mətləb Bağırov adlı şəxsin Daxili İşlər Nazirliyi əməkdaşlarının keçirdikləri xüsusi əməliyyat tədbirləri nəticəsində saxlanılması günün ən önəmli hadisələrindən biri sayıla bilər.

Newscenter.az xəbər verir ki, bu fikirləri Milli Həmrəylik Partiyasının sədri Əlisahib Hüseynov səsləndirib. O bildirib ki, İranın maliyyə dəstəyi ilə fəaliyyət göstərən və həm Bakıda, həm də Moskvada təşkilatlanan bu radikal məzhəb təəssübkeşi uzun illər ərzində apardığı təbliğat-təşviqat işləri nəticəsində "çətə"ləşməyi, şəbəkələşməyi, İranın maraqlarına xidmət edən casus şəbəkəsi formalşdırmağı bacarmışdı:

"Daxili İşlər Nazirliyinin əməkdaşlarının İran casus şəbəkəsinə qarşı keçirdikləri əməliyyatlar zamanı bu şəbəkənin üzvlərindən 39 nəfəri saxlanılıb. Proses yəqin ki, davam edəcək. Çünki casus şəbəkəsinin üzvlərinin sayı çoxdur və onların Azərbaycanda təxribat törətmək üçün plan cızdıqları şübhəsizdir".

Partiya sədri əmindir ki, xüsusi-xidmət orqanlarımız bu şəbəkənin bütün üzvlərini vaxtında deşifrə edib zərərsizləşdirəcək:

"SEPAH-a, Ettelaata, Hizbullaha bağlı qüvvələrin Azərbaycandakı uzantılarının kökü qurudulacaq. Şər dövlətin anti-Azərbaycan planları həyata keçməyəcək".

Mehman
Xəbəri paylaş