Nigeriyada heyvandan insana keçən və ölümlə nəticələnə bilən Lassa qızdırması epidemiyasında bu il həyatını itirənlərin sayı 102-yə yüksəlib.
Newscenter.az trthaber-ə istinadən bildirir ki, ölkənin Xəstəliklərə Nəzarət Mərkəzinin (NCDC) verdiyi açıqlamaya görə, yanvarın 1-dən etibarən Lassa epidemiyası ölkənin 22 əyalətinin 89 bölgəsində yayılmağa başlayıb.
Bu müddət ərzində 676 yoluxma faktı aşkarlanıb və epidemiya nəticəsində həyatını itirənlərin sayı 102-yə çatıb.
Hökuməti fevralın əvvəlində Lassa qızdırması epidemiyasına görə "fövqəladə vəziyyət" elan edib.
Qeyd edək ki, ilk dəfə Nigeriyada sözügedən virus 1969-cu ildə, Borno əyalətində aşkar edilib.
Mehman