Ermənistan silahlı qüvvələrinin şərti dövlət sərhədində təxribat törədən zaman Azərbaycan Ordusunun həyata keçirdiyi cavab tədbirləri nəticəsində 3 erməni hərbçisi məhv edilib, çoxlu sayda yaralanan var.

Newscenter.az-ın məlumatına görə, “Report” “Hraparak”a istinadən xəbər verir ki, Ermənistan Müdafiə Nazirliyi də faktı təsdiqləyib.

Bildirilib ki, Gorus rayonunun Dığ kəndi istiqamətində baş verən atışma nəticəsində 3 erməni hərbçisi ölüb, çoxlu sayda hərbçi yaralanıb.

Yaralananlardan biri Ermənistan silahlı qüvvələrinin xüsusi təyinatlı korpusunun komandiri Armen Gözəlyandır.

Onun vəziyyəti ağırdır. A.Gözləyən Gorusda yerləşən tibbi mərkəzində cərrahiyyə əməliyyatı olunub.