Müsəlman dünyasının ən böyük problemi məzhəbçilikdir...

Məzhəbçilik Qurana, hədislərə, əxlaqa, dünyagörüşünə, həyata və insanlara, elmi həqiqətlərə məzhəbmərkəzli münasibətdir;

Məzhəbçilik kütlükdür, korluqdur, nifrətdir, qəzəbdir, dünya və axirətdə ziyan içərisində olmaqdır;

Məzhəbçilik müəyyən məzhəbi (həm də bütünlükdə) tabulaşdırmaqdır, vəhy və müqəddəs təlim bilmək, Allaha və peyğəmbərə aid etməkdir;

Məzhəbçilik insanı tanrılaşdırmaq, insan beyninin məhsulunu əbədi ilahi söz halına gətirməkdir;

Məzhəbçilik təhlükəli inanc formasıdır; məzhəbçilik özü unudub özgədə əriməkdir;

Məzhəbçilik islamın dini mətnlərində (ayə və hədislər) ictihada açıq məsələlərə fərqli prizmadan baxan digər nöqteyi-nəzərləri (ictihad faktları, fitvalar, məzhəblər) sərf-nəzər etmək, ancaq bir ictihadı haqlı saymaqdır;

Məzhəbçilik "ixtilaf" doğuran məsələlərdə fərqli fikirlərin olmağından bixəbərlikdir (elə Ramazan hilalının görünmə hadisəsinə fərqli yanaşmalardan bixəbərlik buna misaldır);

Məzhəbçilik başqa məzhəblərə yaşamaq haqqı tanımamaqdır;

Məzhəbçilik, ən əsası, məzhəbin nə olduğunu bilməməkdir...

Elvusal Məmmədov-AMEA-nın əməkdaşı