ABŞ Dövlət Departamentinin mətbuat katibinin müavini Vedant Patel Ermənistanın İrəvanda “Nemesis abidəsi”ni ucaltmasına cavab olaraq Türkiyənin öz hava məkanını erməni təyyarələri üçün bağlamasından məyus olduqlarını bildirib.

Newscenter.az haber7.com-a istinadən bildirir ki, bu fikirləri Vedant Patel günlük keçirdiyi mətbuat konfransında belə deyib. Dövlət Departamentinin rəsmisi Türkiyə ilə Ermənistan arasında normallaşma prosesini güclü şəkildə dəstəklədiklərini və bu prosesin təkcə iki ölkə üçün deyil, həm də regionun sabitliyi üçün əhəmiyyətli olduğunu vurğulayıb. Lakin Vedant Patel Ermənistanın İrəvanda terroru dəstəkləyən abidə ucaltmasına heç bir raksiya bildirməyib.

Qeyd edək ki, Ermənistanın paytaxtı İrəvanda Osmanlı siyasi və hərbi liderləri, eləcə də Azərbaycan rəsmilərinə qarşı sui-qəsdlər həyata keçirən "Nemezis" terror əməliyyatına həsr olunan abidənin açılışı olub.

Mehman