"Yeni tədris ilindən ölkənin ümumtəhsil müəssisələrinin yeni məktəbli formalarına keçməsi ilə bağlı verilən qərar təqdirəlayiq olsa da, lakin yaxşı olardı ki, hansı məktəbli formasını seçmək imkanı ümumtəhsil müəssisəsinə verilməsin".

Bu fikirlər"Təhsilə Dəstək və Maarifləndirmə" İctimai Birliyindən daxil olub. İctimai Birlikdən Newscenter-az-a verilən açıqlamada bildirilib ki, sovetlərin zamanında olduğu kimi ölkə üzrə vahid məktəbli formasının olması daha məqbuldur:

"Etiraf edək ki, əvvəlki illərdə məktəbli formasının necə seçilməsi imkanının ümumtəhsil müəssisəsinə verilməsi müəyyən problemlərə yol açdı. Hər məktəb istədiyi kimi forma seçdi".

İctimai Birlikdən verilən açıqlamada o da qeyd edilib ki, sovetlər zamanında vahid məktəbli formasının olduğu kimi forma müəyyən edilsə, yaxşı olar.

Sona