Türkiyədə 2024-cü ildə tam elektrikli avtomobil satışları 51,7 faiz artaraq 99 489 ədədə çatıb.

Newscenter.az Türkiyə Statistika Təşkilatına istinadən bildirir ki, nəticədə elektrikli avtomobillərin bazar payı 6,8 faizdən 10,1 faizə yüksəlib.

Ümumilikdə, Türkiyədə yeni avtomobil və yüngül ticari vasitə satışları 2024-cü ildə bir əvvəlki ilə görə 0,5 faiz artaraq 1 milyon 238 min 509 ədədə çatıb. Nəticədə bütün zamanların rekordu qırılıb.

Yanvar-dekabr dövründə avtomobil satışları bir əvvəlki ilə görə 1,3 faiz artaraq 980 min 341 ədədə, yüngül ticari avtomobil bazarı isə 2,7 faiz azalaraq 258 min 168 ədədə çatıb.

Anar Əliyev