Özbəkistanda illik gücü 200 min ton olan şəkər zavodu inşa ediləcək.

Newscenter.az "Sputnik Özbəkistan"a istinadən bildirir ki, bu məqsədlə Misirin “Nil Sugar Company” şirkəti Cizzax rayonunun Qalaorol rayonunda şəkər çuğunduru və şəkər istehsalı üzrə tamhüquqlu kompleksin yaradılması üçün azı 300 milyon dollar dəyərində investisiya layihəsinə başlayıb. Bu təşəbbüs şəkər çuğundurunun becərilməsi, 50 min hektar əkin sahəsinin inkişafı, 100 hektar sahədə illik gücü 200 min ton olan şəkər zavodunun tikintisini əhatə edir.

Bundan başqa Misirin Orascom Investment şirkəti dağ-mədən və geologiya sektorlarında investisiya layihələri həyata keçirmək niyyətindədir. Artıq Özbəkistanın potensial faydalı qazıntı yataqlarında, xüsusən, Nəvai rayonundakı Şimali Bokanto mis yatağında geoloji kəşfiyyat işlərinə başlanılıb. Bundan əlavə, Bell Energy Daşkənd vilayətində su nasos stansiyalarını modernləşdirir. “Al-Aseel” şirkəti ilə əməkdaşlıq çərçivəsində Namanqan və Cizzəx rayonlarında bal emalı müəssisəsi tikiləcək.

Süleyman