ABŞ prezidenti Donald Tramp hesab edir ki, Ukraynadakı münaqişənin III Dünya Müharibəsinə çevrilməsi ehtimalının qarşısı alınıb.

Newscenter.az TASS-a istinadən bildirir ki, Ağ Ev rəhbəri bunu Rusiya prezidenti Vladimir Putinlə telefon danışığından sonra deyib. O, bu mövqeyini Ağ Evdə jurnalistlərlə görüşü zamanı açıqlayıb.

"Məncə, bu, üçüncü dünya müharibəsinə səbəb ola bilməyəcək. Bu baş verməyəcək, lakin baş verə də bilər", - deyə Amerika lideri bildirib.

Qeyd edək ki, Amerika və Rusiya prezidentləri arasında baş tutan telefon danışığı zamanı Ukraynadakı müharibənin həlli mümkünlüyü müzakirə edilib.

Mehman Mehdiyev