Qazaxıstanın paytaxtı Astanada Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Qazaxıstan Respublikasının Mədəniyyət və İnformasiya Nazirliyinin Vətəndaş Cəmiyyəti Komitəsi arasında Anlaşma Memorandumu imzalanıb.

Newscenter.az xəbər verir ki, sənədin məqsədi Azərbaycan və Qazaxıstanda fəaliyyət göstərən qeyri-hökumət təşkilatları arasında əməkdaşlığın təşviqi, təcrübə mübadiləsinin dərinləşdirilməsi, birgə layihələrin həyata keçirilməsi və strateji tərəfdaşlığın möhkəmləndirilməsidir.

İmzalanma mərasimində çıxış edən Agentliyin İcraçı direktoru Aygün Əliyeva qeyd edib ki, bu əməkdaşlıq iki ölkə arasında vətəndaş cəmiyyəti institutları səviyyəsində əlaqələrin daha sistemli və davamlı şəkildə inkişafına mühüm töhfə verəcək.

Qarşılıqlı əməkdaşlıq çərçivəsində tərəflər gələcəkdə birgə tədbirlərin, mübadilə proqramlarının və regional vətəndaş cəmiyyəti nümayəndələrinin təşəbbüslərinin həyata keçirilməsini planlaşdırırlar. Bu razılaşma, həmçinin 2025-ci ilin noyabrında
Azərbaycan və Qazaxıstan QHT-lərinin ilk forumunun daha səmərəli keçirilməsinə xidmət edəcək.

Süleyman