Noyabrın 15-də prezident Şavkat Mirziyoyev Mərkəzi Asiya Dövlət Başçılarının yeddinci Məşvərət Görüşündə iştirak etmək üçün Özbəkistana gələn Azərbaycan Respublikasının Prezidenti İlham Əliyevlə təkbətək görüş keçirib.

Newscenter.az Özbəkistanın Milli Xəbər Agentliyinə istinadən bildirir ki, söhbətin əvvəlində İlham Əliyev Məşvərət Görüşündə iştirak etmək üçün dəvətə görə Özbəkistan rəhbərinə minnətdarlığını bildirib.

Özbəkistan prezidenti öz növbəsində qardaş Azərbaycan Prezidentini və xalqını bu ilin 8 oktyabrında qeyd olunan Qələbənin beşinci ildönümü münasibətilə səmimi qəlbdən təbrik edib.

Söhbət zamanı bu ilin iyul ayında Özbəkistan Prezidentinin Azərbaycana dövlət səfəri zamanı əldə edilən razılaşmaların həyata keçirilməsi çərçivəsində Özbəkistan-Azərbaycan strateji tərəfdaşlığının və müttəfiqlik münasibətlərinin daha da inkişaf etdirilməsi və möhkəmləndirilməsi ilə bağlı aktual məsələlər müzakirə edilib.

Bildirilib ki, bütün səviyyələrdə səmərəli mübadilələr davam edir. Bu ilin əvvəlindən ticarət dövriyyəsi 15 faiz artıb. Avtomobil sənayesi, enerji, turizm və digər sektorlarda sənaye əməkdaşlığı üzrə birgə layihələr aktiv mərhələyə qədəm qoyub.

Liderlər həmçinin qarşıdan gələn yüksək səviyyəli görüşlərin və tədbirlərin cədvəlini nəzərdən keçiriblər.

Süleyman