Ukrayna ilə bağlı sülh planına Rusiya Silahlı Qüvvələrinin sayının azaldılması bəndi də daxil edilməlidir.

Newscenter.az TASS-a istinadən bildirir ki, bunu Avropa İttifaqının Xarici İşlər Komissiyasının rəhbəri Kaja Kallas deyib. O, həmçinin Rusiyanın müdafiə xərclərini Aİ üçün təhlükə hesab edərək narazılığını bildirib.

"Biz Rusiya ordusunun sayını azaltmalıyıq", - deyə Kallas vurğulayıb.

Qərb mediası daha əvvəl məlumat vermişdi ki, ABŞ prezidenti Donald Trampın planı Ukrayna Silahlı Qüvvələrinin (UAF) sayının 600 min nəfərədək azaldılmasını nəzərdə tutur.

Aİ liderləri ABŞ-ın təklif etdiyi sülh planına qarşı çıxıblar. Buna cavab olaraq Almaniya, Fransa və Böyük Britaniya öz layihələrini təqdim ediblər. “Reuters”in məlumatına görə, ABŞ-ın planından fərqli olaraq, bu, Ukraynanın NATO-ya daxil olmasına və ölkədə alyans qoşunlarının yerləşdirilməsinə imkan verir. Avropalılar həmçinin hesab edirlər ki, Ukrayna Silahlı Qüvvələri “sülh dövründə” 800 min şəxsi heyətlə məhdudlaşdırılmalıdır.

Cavid