İsrailin Suriyanın Dəməşq vilayətinin Beyt Cənn qəsəbəsinə endirdiyi hava zərbələri Suriyanın suverenliyi və ərazi bütövlüyünün pozulmasıdır.

Newscenter.az xəbər verir ki, bunu Türkiyə Xarici İşlər Nazirliyinin sözçüsü Öncü Keçeli bildirib.

"İsrail bir daha nümayiş etdirdi ki, Dəməşqin kənarındakı Beyt-Cənn qəsəbəsinə hücum etmək hərəkətləri Suriyanı məhv etmək məqsədi daşıyır. Suriyanın İsrail üçün heç bir təhlükə törətməməsinə baxmayaraq, Təl-Əviv hərbi əməliyyatları ilə Suriyanın suverenliyini və ərazi bütövlüyünü pozur. Həmçinin, bölgədə dinc əhali və sabitliyə təhlükə yaradır", - deyə Keçeli bəyanatında bildirib.

Diplomat vurğulayıb ki, İsrailin Suriya hökuməti və xalqının təhlükəsizlik, firavanlıq və sülh gətirmək səylərinə mane olmaq məqsədi daşıyan hücumları dərhal dayandırılmalıdır:

“Beynəlxalq ictimaiyyətin bütün məsul üzvləri bu məsuliyyəti daşıyırlar”.

Fuad