Qazaxıstan prezidenti Kasım Jomart Tokayev "Qazaxıstan Respublikasının bəzi qanunvericilik aktlarına və qanunsuz məzmunun yayılmasının məhdudlaşdırılması ilə bağlı dəyişikliklər və əlavələr edilməsi haqqında" Qazaxıstan Respublikasının Qanununu imzalayıb.

Newscenter.az xəbər verir ki, bu barədə Akorda xəbər verib. Sənəddə uşaqların sağlamlığına və inkişafına zərərli olan məlumatlardan qorunması məqsədilə pedofiliya və qeyri-ənənəvi cinsi oriyentasiyanı təbliğ edən məlumatların kütləvi informasiya vasitələri, telekommunikasiya şəbəkələri və onlayn platformalar vasitəsilə ictimai məkanda yerləşdirilməsini məhdudlaşdıran normalar nəzərdə tutulur.

Qeyd edək ki, evlilik və ailə institutunun gücləndirilməsinə əsaslanan ənənəvi ailə dəyərlərinin təşviqi, uşaqları milli və ailə dəyərlərinə hörmətlə tərbiyə etmək və mənəvi tərbiyə vermək dövlət siyasətinin prioritetləri arasındadır. 6 avqust 2024-cü ildə "Biz Qazaxıstanda LGBT-nin açıq və gizli təbliğatına qarşıyıq!" adlı petisiyasının "Yeniyetmələrin və uşaqların cinsi təbliğatdan qorunması" bölməsindəki tələbləri qismən yerinə yetirilib. Bu baxımdan bir sıra qanunvericilik aktlarına düzəlişlər etmək lazım gəlib.

Nəticədə, Qazaxıstan Respublikasının Əmək Məcəlləsinə və 12 qanuna qanunla əlavələr və dəyişikliklər edilib.

Qanun qeyri-ənənəvi cinsi oriyentasiyanın təşviqi və pedofiliyanın təşviqi anlayışları üçün aydın təriflər verir və onları qanunsuz məzmunla eyniləşdirir.

Dövlət başçısı tərəfindən təsdiq edilmiş bu qanun Qazaxıstanda gənc nəsli qanunsuz məzmundan qorumağı hədəfləyir.

Süleyman