Avropanın "Politico" nəşri mənbələrə istinadən bildirib ki, Avropa Şurasının prezidenti António Kostanın Rusiya ilə təmasları bəzi Avropa hökumətlərinin mənfi reaksiyasına səbəb olub.

Onun məlumatına görə, Brüsseldə keçirilən Aİ sammitində bir çox Avropa liderinin Moskva ilə əlaqələrdən xəbərsiz olduğu məlum olub.

Nəşrin mənbələrindən birinə görə, Avropa Şurası sədrinin komandası zənglər barədə əvvəlcədən Böyük Britaniya, Almaniya, Fransa və Avropa Komissiyasını məlumatlandırıb. Digər iki mənbə isə Berlinə əvvəlcədən xəbərdarlıq edilmədiyini iddia edir.

"Politico"nun məlumatına görə, bəzi Avropa liderləri əlaqələrdən yalnız mediada yayılan xəbərlərdən sonra xəbər tutublar və Baltikyanı ölkələr Rusiya ilə münasibətləri yaxşılaşdırmaq cəhdindən "qəzəbləniblər".
17 iyunda aparıcı Qərb mediası Kostanın nümayəndələri arasında Moskvaya "bir neçə telefon danışığı" barədə məlumat verib və "ciddi bir şeyin müzakirə olunmadığını" iddia edib.